Federata Shqiptare e Futbollit ka publikuar një njoftim zyrtar për të gjithë tifozët që kanë përfituar të drejtën për të blerë bileta për ndeshjen Shqipëri–Serbi. Sipas FSHF-së, procesi po vijon përmes shortit elektronik dhe vetëm personat e përzgjedhur përmes këtij sistemi mund të blejnë bileta.
Në deklaratë theksohet se çdo përfitues ka në dispozicion vetëm 24 orë për të përfunduar blerjen, duke përdorur linkun që i është dërguar në adresën përkatëse. Pas këtij afati, linku bëhet automatikisht i pavlefshëm dhe bileta kalon për të tjerë aplikues.
Federata i bën thirrje të gjithë fituesve të mos e shtyjnë veprimin dhe të kryejnë menjëherë pagesën për të siguruar pjesëmarrjen në këtë përballje të shumëpritur. Ndeshja Shqipëri–Serbi pritet të zhvillohet me interes të jashtëzakonshëm dhe masat e organizimit janë të rrepta.