Përmes një videoje ku shfaqen postime të mëparshme të Goxhajt me qëndrime të konsideruara pro Iranit, Rama ironizoi segmentin “intelektual” të protestës, duke shkruar:
“Si thoshin derrat e knaqun migjenianë të segmentit ‘intelektual’ të protestës, nuk ka lidhje Irani ëëë….?”
Kreu i qeverisë përsëriti qëndrimin e tij të mëhershëm se protesta, sipas tij, do të përfundojë duke forcuar Partinë Socialiste dhe duke sjellë përmirësim në qeverisje.
“Mos harroni çfarë ju kam thënë qysh në fillim: Dy fitimtarë do dalin kur kësaj proteste t’i bien të tëra puplat fallco të flamingove, Partia Socialiste që do të bëhet më e fortë dhe qeverisja jonë që do të përmirësohet shumë ndjeshëm.”
Në fund të reagimit, Rama e cilësoi Dritan Goxhajn si “zëdhënës të interesave të Iranit”.
Ndërkohë, Grupi Koordinues i Protestës prezantoi kërkesat kryesore të protestuesve, ku përfshihen:
dorëheqja e kryeministrit dhe e qeverisë;
krijimi i një qeverie teknike tranzitore 12-mujore;
ndryshime kushtetuese dhe reformë zgjedhore;
kufizimi i mandateve të kryeministrit në maksimum dy;
shfuqizimi i disa ligjeve dhe paketave të debatueshme, përfshirë “Paketën e Maleve” dhe statusin e “Investimeve Strategjike”.
Protestuesit deklaruan se do të vijojnë protestën paqësore deri në realizimin e kërkesave të tyre.
