Procesi i votimit ka nisur në orën 07:00 në të gjitha 42 Qendrat e Votimit të bashkisë Roskovec. Sipas të dhënave paraprake, hapja është kryer në kohë dhe deri në këto momente nuk raportohet për probleme apo vonesa në ndonjë prej qendrave.
🎧 Dëgjo artikullin në Shqip
Gati për lexim në Shqip
Komisionerët ndodhen në pozicionet e tyre dhe çdo qendër është pajisur me sistemin biometrik të identifikimit, i cili ka hyrë në funksion pa probleme, duke garantuar verifikimin e saktë të çdo votuesi.
Pritet që fluksi i qytetarëve të shtohet me kalimin e orëve. Strukturat përkatëse janë në terren për të ndjekur nga afër mbarëvajtjen e procesit.
