Në episodin e radhës të podkastit të tij “Flasim”, Kryeministri Edi Rama ka dhënë mesazhe të qarta për mazhorancën dhe publikun, duke paralajmëruar se procesi i integrimit në Bashkimin Europian po hyn në fazën e tij më të vështirë dhe impenjative.
Sfida Legjislative: “Mal me ligje” Rama u shpreh se puna për anëtarësimin nuk është më thjesht politike, por teknike dhe voluminoze.
-
Paralajmërimi: “Procesi do të vijë duke u vështirësuar pasi ka një volum legjislativ që kurrë më parë nuk ka kaluar filtrin vendimmarrës.”
-
Detyra: Grupi Parlamentar i PS duhet të jetë në lartësinë e kësaj sfide për të miratuar ligjet e përshtatjes me BE-në.
Trekëndëshi Strategjik: Shqipëri – Emirate – Itali Kreu i qeverisë zbuloi një detaj të rëndësishëm gjeopolitik dhe ekonomik. Ai foli për një bashkëpunim trepalësh që e vendos Shqipërinë në një pozicion kyç.
-
Energjia: Shqipëria do të luajë një rol qendror në krijimin e kapaciteteve gjeneruese të energjisë.
-
Avantazhi: Ky bashkëpunim i jep vendit një “avantazh strategjik” në rajon dhe më gjerë.
Beteja me “Tenxheret e Dezinformimit” Në planin e brendshëm politik, Rama theksoi nevojën për të intensifikuar komunikimin me mbështetësit për të përballuar atë që ai e quajti “fronti i gjerë i dezinformimit në të gjitha tenxheret që gurgullojnë ditë e natë” (duke iu referuar portaleve dhe mediave kritike).
