Prokuroria e Posaçme ka vendosur “pikat mbi i” lidhur me akuzat për presion ndaj krerëve të sistemit të prokurorisë. Në një reagim të prerë, SPAK ka hedhur poshtë çdo pretendim se po heton, vëzhgon apo përgjon anëtarët e Këshillit të Lartë të Prokurorisë (KLP).
Institucioni thekson se zërat për intimidim apo ndërhyrje në proceset zgjedhore të KLP-së janë spekulime të pastra dhe keqinformim për publikun. Me këtë deklaratë zyrtare, SPAK garanton se nuk ka asnjë agjendë të fshehtë për të ndikuar në vendimmarrjen e organit qeverisës të prokurorëve.
