Vlorë – Goditet një tjetër rast i shpërndarjes së lëndëve narkotike në qytetin e Vlorës. Seksioni për Hetimin e Narkotikëve në DVP Vlorë, në kuadër të kontrolleve intensive në zonat urbane dhe turistike, arrestoi një shtetas me precedent penal, i cili shpërndante lëndë narkotike në disa zona të qytetit.
Në lagjen “10 Korriku”, shërbimet e Policisë kapën në flagrancë shtetasin Gj. C. (F)., 58 vjeç, banues në Vlorë, i cili dyshohet se shpërndante doza të lëndëve narkotike, kryesisht kokainë.
Gjatë kontrollit fizik dhe më pas në banesë, këtij shtetasi iu gjetën dhe sekuestruan në cilësinë e provës materiale:
- Doza me kokainë dhe kanabis
- Një peshore elektronike
- Një armë sportive (pistoletë) e cila rezultoi pa leje
Pas përfundimit të veprimeve procedurale, Policia arrestoi 58-vjeçarin për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e armëve të gjuetisë dhe sportive”.
Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme hetimore.