Irani ka deklaruar se ka lëshuar raketa balistike me rreze të mesme veprimi, të tipit Sejjil-2, drejt territorit izraelit. Lajmi është bërë i ditur nga Korpusi i Gardës Revolucionare Islamike përmes një deklarate zyrtare.
Sipas mediave ndërkombëtare, raketat e lëshuara janë të pajisura me lëndë djegëse të ngurtë dhe konsiderohen ndër më të fuqishmet në arsenalin iranian.
“Vala e dymbëdhjetë e ‘Premtimit të Vërtetë’ ka filluar me lëshimin e raketave super të rënda dhe me rreze të gjatë veprimi, Sejjil-2”, thuhet në deklaratën e Gardës Revolucionare.
CNN ka raportuar se nuk ka mundur të verifikojë në mënyrë të pavarur pretendimet e Iranit, ndërkohë që priten informacione të mëtejshme gjatë orëve në vijim.
Ndërkohë, retorika në Uashington është ashpërsuar. Presidenti amerikan Donald Trump u ka kërkuar sot udhëheqësve iranianë të dorëzohen pa kushte, duke paralajmëruar se çdo akt agresioni do të marrë përgjigjen e