Presidenti Donald Trump, gjatë një vizite shtetërore në Katar, ka bërë thirrje për një qasje paqësore në bisedimet bërthamore me Iranin, duke theksuar se nuk dëshiron që ato të përshkallëzohen në dhunë.
“Nuk dua që këto bisedime të marrin një rrjedhë të dhunshme,” deklaroi Trump gjatë një darke shtetërore në Doha. “Ju po punoni shumë ngushtë me ne në negociatat me Iranin – ky është kursi më miqësor që mund të ndiqet,” shtoi ai, duke iu drejtuar përfaqësuesve të Katarit.
Bisedimet mes SHBA-së dhe Iranit janë intensifikuar javët e fundit, me ndërmjetësimin e Katarit. I dërguari special amerikan, Steve Witkoff, ndodhet gjithashtu në Doha ku po udhëheq delegacionin amerikan.
Të dyja palët kanë rënë dakord të vijojnë negociatat për një marrëveshje të re bërthamore. Megjithatë, Trump ka qenë i rezervuar për detajet e marrëveshjes, duke përsëritur vetëm se “Iranit nuk mund t’i lejohet të ketë armë bërthamore