Një aksident i rëndë automobilistik është shkaktuar këtë pasdite në Rrugën e Arbrit, afër një fshati në zonën e Klosit. Në përplasjen e dy automjeteve, një “Volkswagen” dhe një “Audi”, kanë mbetur të plagosur pesë anëtarë të një familjeje.
Të prekurit janë të gjithë anëtarë të familjes Kurti:
-
Ismail Kurti, 50 vjeç
-
Luiza Kurti, 49 vjeç
-
Dile Kurti, 53 vjeç
-
Adelina Kurti, 22 vjeç
-
Devis Kurti, 28 vjeç
Pas marrjes së kujdesit primar në qendrën shëndetësore të Klosit, të lënduarit u transferuan fillimisht në spitalin rajonal të Burrelit. Për kujdes më të specializuar, ata janë dërguar me urgjencë drejt Spitalit të Traumës në Tiranë. Sipas burimeve policiere, të gjithë të plagosurit ndodhen jashtë rrezikut të menjëhershëm për jetën.
Në vendngjarje vazhdojnë hetimet e forcave policiore dhe grupit hetimor për të përcaktuar saktësisht shkaqet dhe rrethanat e aksidentit.
