Nënkryetarja e Partisë së Lirisë, Erisa Xhixho, ka denoncuar sot një ngjarje të rëndë në QSUT, ku sipas saj reanimacioni dhe sallat kirurgjikale kanë mbetur pa energji elektrike për 40 minuta, duke rrezikuar drejtpërdrejt jetën e pacientëve. Xhixho renditi një sërë problematikash kritike, nga mungesa e aparaturave te Onkologjiku e deri te barnat e skaduara, duke akuzuar qeverinë se prioritet ka aferat korruptive dhe jo shëndetin e qytetarëve, ndaj bëri thirrje për pjesëmarrje masive në protestën e 24 janarit.
