Asambleja Kombëtare e Francës ka miratuar një projektligj historik që u jep të drejtën për vdekje të asistuar pacientëve me sëmundje terminale.
Projektligji, i mbështetur nga presidenti Emmanuel Macron, kaloi me 305 vota pro dhe 199 kundër, dhe tashmë do të shqyrtohet në Senat, përpara një leximi të dytë në Asamblenë Kombëtare.
Nëse miratohet përfundimisht, ligji pritet të hyjë në fuqi deri në vitin 2027, duke e bërë Francën vendin e tetë në BE që legalizon një formë të vdekjes së asistuar.
Ligji francez, megjithatë, është më i kufizuar në krahasim me modelet e zbatuara në Holandë dhe Belgjikë.
Ndërkohë, një projektligj tjetër për të garantuar të drejtën për kujdes paliativ është miratuar pa kundërshtime, pas kritikave se rreth 48% e pacientëve francezë nuk marrin trajtimin e duhur në fund të jetës.
Presidenti Macron e cilësoi këtë zhvillim si një “hap të rëndësishëm human dhe shoqëror” për Francën