Procesi i numërimit të votave për zgjedhjet parlamentare po vijon në të gjithë vendin. Deri në këto momente janë numëruar 1318 qendra votimi, nga gjithsej 5199 në rang kombëtar. Të dhënat e fundit tregojnë se Partia Socialiste ka siguruar 83 mandate, duke mbajtur një avantazh të ndjeshëm ndaj Partisë Demokratike, e cila aktualisht renditet me 51 deputetë.
Komisioni Qendror i Zgjedhjeve ka bërë të ditur se procesi po zhvillohet me ritme normale, edhe pse në disa zona ka pasur vonesa për shkak të verifikimeve shtesë. Deri tani nuk raportohet për parregullsi madhore që mund të ndikojnë rezultatin përfundimtar.
Partia Socialiste e ka konsideruar këtë rezultat një konfirmim të mbështetjes popullore për qeverisjen aktuale, ndërsa Partia Demokratike ka bërë thirrje për kujdes në numërim dhe ka paralajmëruar se do ndjekë çdo rast të dyshuar për manipulim.
Analistët politikë thonë se megjithëse rezultati mund të ndryshojë lehtësisht në vazhdim, avantazhi i PS-së e afron atë drejt një shumice të mundshme për të formuar qeverinë e re.
Numërimi pritet të vijojë gjatë orëve dhe ditëve në vijim, me vëmendje të lartë nga qytetarët dhe faktori ndërkombëtar