Një automjet është përfshirë nga flakët në aksin rrugor Berat–Lushnjë, duke shkaktuar panik tek udhëtarët, por fatmirësisht pa pasoja në njerëz.
Sipas informacioneve paraprake, në mjet udhëtonin tre persona, të cilët kanë arritur të dalin në kohë, duke shpëtuar pa pësuar lëndime. Ende nuk dihen shkaqet e rënies së zjarrit, ndërsa dyshohet për një defekt teknik.
Në vendngjarje kanë mbërritur shërbimet zjarrfikëse, të cilat kanë bërë të mundur shuarjen e flakëve dhe normalizimin e situatës.
