Një kamion është përmbysur këtë të martë në autostradën Tiranë–Durrës, në afërsi të Vorës. Shkaqet e aksidentit ende nuk janë bërë të ditura.
Sipas informacioneve paraprake, njëra korsi e rrugës është bllokuar pjesërisht, pasi mjeti i përmbysur ka zënë më shumë se gjysmën e saj, duke shkaktuar radhë të gjata automjetesh dhe trafik të rënduar me kilometra.
Fatmirësisht, nga ngjarja nuk raportohet për persona të lënduar apo dëme të rënda materiale.
