Shoqata e Infermierëve të Shqipërisë ka denoncuar sot një situatë alarmante në sistemin shëndetësor, ku edhe pse data shënon 22 janar 2026, personeli mjekësor nuk ka marrë ende pagën e muajit dhjetor. Në një reagim të ashpër, Shoqata akuzon Ministrinë e Shëndetësisë për heshtje totale dhe mungesë justifikimesh, ndërsa thekson se punonjësit nuk guxojnë të reagojnë nga frika e largimit nga puna. Sipas deklaratës, kjo vonesë “ekstreme” vjen pas skandaleve të shumta financiare në këtë sektor, ndërsa sindikatat cilësohen si inekzistente dhe në shërbim të interesave politike.
