Sali Berisha ka bërë një kthesë të fortë politike duke garantuar partitë e vogla aleate se epoka e marrëveshjeve dypalëshe me Partinë Socialiste ka marrë fund. Në mbledhjen e Federatës së Opozitës, kreu i PD-së pranoi dominimin e dikurshëm në ndryshimin e sistemeve, por premtoi se kësaj radhe rregullat e lojës do të shkruhen me konsensus të plotë brenda opozitës.
Mesazhi ishte i qartë: PD nuk do të imponojë asnjë model. Përfaqësuesit në komisionin e reformës zgjedhore do të jenë avokatë të një platforme të përbashkët, duke shmangur çdo “pazar” të mundshëm me mazhorancën që anashkalon interesat e aleatëve.
