Prokuroria e Fierit ka ndërmarrë një veprim të madh ndaj pasurive të paluajtshme dhe fondeve në dispozicion të dy vëllezërve të dënuar në Angli për prodhim narkotikësh. Me vendim gjyqësor, janë sekuestruar 15 pasuri, duke përfshirë apartamente, garažhe dhe llogari bankare me qindra mijëra euro.
Në bazë të hetimeve të zhvilluara, Prokuroria e Fierit vuri në sekuestër 12 pasuri të paluajtshme dhe 3 llogari bankare, të cilat konsiderohen se janë fituar nga veprimtari kriminale. Vëllezërit N.B. dhe E.B., të dënuar për prodhim narkotikësh në Gjykatat Britanike përkatësisht në vitet 2017 dhe 2024, dyshohen se kanë pastruar në Shqipëri paratë e fituara nga kjo veprimtari e paligjshme.
Hetimet kanë treguar se pasuritë e krijuara nga familja nuk mund të justifikohen me të ardhurat e tyre ligjore, duke ngritur dyshime të forta për origjinën kriminale të fondeve. Ndër pasuritë e sekuestruara janë apartamente dhe garažhe në zonën e Yzberishtit në Tiranë, si dhe një apartament në Golem, Kavajë.
Prokuroria thekson se veprimet për konfiskimin e pasurive të pafjustifikuara do të vazhdojnë me intensitet, në kuadër të luftës kundër pasurimit të paligjshëm.
