Një incident i frikshëm është ndodhur sot në portin e Barit, ku një makinë ka përfunduar në ujë për pak kohë para se të nisej trageti me destinacion Shqipëri.
Sipas autoriteteve, vetëm një person – një qytetar shqiptar – ndodhej brenda automjetit në momentin kur ajo rrëshqiti dhe ra në det, ndërsa po kryhej procedura e ngjitjes në traget.
Reagimi i shpejtë i shoferit shpëtoi jetën e tij. Duke qëndruar i qetë, ai arriti të thyejë xhamin e përparmë dhe të ngjitej në çatinë e makinës, e cila filloi të mbushësh me ujë dhe gradualisht u fundos.
Ndërhyrja e shpejtë e Rojave Bregdetare italiane e çoi në shpëtimin e burrit, i cili doli i paprekur fizikisht nga aksidenti. Pas shpëtimit të tij, zjarrfikësit ndërhynë për të nxjerrë makinën e fundosur nga ujërat e portit.
Hetimet për shkakun e saktë të incidentit janë ende në zhvillim.
