Reshjet e shiut, të cilat kanë filluar pasditen e djeshme dhe vijojnë në të gjithë qarqet e Shqipërisë, nuk kanë ndikuar në prurjet e lumit Vjosa. Në fshatin Kashisht, Fier, situata rezulton të jetë e qetë dhe pa ndonjë kërcënim real për banorët.
Fotot e dërguara nga banorët e zonës , tregojnë se lumi ndodhet brenda shtratit , ndërkohë që autoritetet lokale mbeten në gatishmëri për çdo situatë të paparashikuar. Ekspertët e hidrologjisë po monitorojnë vazhdimisht nivelin e ujit dhe deri në këto momente, nuk janë raportuar rritje të rrezikshme të prurjeve në këtë zonë.
Banorët e Kashishtit janë të qetë , pasi situata aktuale nuk paraqet rrezik, ndërsa meteorologët paralajmërojnë se reshjet do të vijojnë të dendura edhe gjatë ditëve në vijim në disa qarqe të vendit.
