Një konflikt i çastit për parkimin e makinës në lagjen “15 Tetori” të Fierit, rreth orës 18:30, ka degjeneruar në përdorimin e mjetit prerës. Sipas të dhënave paraprake, shtetasi J. R. dyshohet se ka plagosur lehtë me thikë D. D., 33 vjeç, banues në Roskovec. I dëmtuari ndodhet nën kujdesin e mjekëve dhe është jashtë rrezikut për jetën.
Shërbimet e Policisë kanë nisur kërkimet për kapjen e autorit të dyshuar, ndërsa grupi hetimor po vijon punën për sqarimin dhe dokumentimin e plotë të ngjarjes.
