Kryeministri i Nepalit, Khadga Prasad Sharma Oli, ka dhënë dorëheqjen pas protestave të dhunshme që shpërthyen për shkak të mbylljes së përkohshme të mediave sociale. Lajmi u konfirmua nga ndihmësi i tij, Prakash Silwal, për agjencinë e lajmeve Reuters.
Dorëheqja vjen pas përshkallëzimit të trazirave, ku 19 persona humbën jetën gjatë përplasjes së protestuesve me policinë. Demonstruesit sfiduan shtetrrethimin, hodhën gurë, dogjën goma dhe sulmuan ndërtesa shtetërore, përfshirë zyrën e partisë në pushtet dhe rezidencat e disa politikanëve të njohur. Protestat e iniciuara nga akuzat për korrupsion dhe që u përshkallëzuan nga mbyllja e rrjeteve socialeqë kulmuan me dorëheqjen e tre ministrave.
Dëshmitarët thanë se banesat e disa ministrave u dogjën, ndërkohë që këta të fundit dhe familjarët e tyre u evakuan helikopterë ushtarakë.
Qeveria e hoqi ndalimin e rrjeteve sociale pas shpërthimit të dhunës, ndërsa Aeroporti Ndërkombëtar i Katmandusë u mbyll përkohësisht për arsye sigurie, sipas autoriteteve të aviacionit civil.
