Një grua 58-vjeçare ka humbur jetën në prefekturën Mie të Japonisë, duke shënuar viktimën e parë nga cunami që ka goditur bregdetin lindor të vendit pas një aktiviteti sizmik në oqeanin Paqësor.
Sipas raportimeve të Asahi TV, gruaja po përpiqej të largohej me makinë nga zona bregdetare kur automjeti i saj ra nga një shkëmb, në përpjekje për t’u shpëtuar dallgëve.
Autoritetet japoneze kanë lëshuar paralajmërime për cunami në të gjithë vijën bregdetare, duke urdhëruar evakuimin e dhjetëra mijëra banorëve. Tre valë cunami janë regjistruar deri tani, me më të madhen që ka arritur një lartësi prej 1.3 metrash.
Edhe pse përmasat nuk janë të krahasueshme me cunamet e mëparshme shkatërruese, autoritetet kanë theksuar se rreziku mbetet real dhe i papritur. Popullata është këshilluar të qëndrojë larg brigjeve dhe të ndjekë udhëzimet emergjente.
Shërbimet e shpëtimit janë në gatishmëri të plotë, ndërsa situata mbetet në ndjekje.