Një ngjarje e rëndë ka ndodhur paraditen e së shtunës në Ksamil. Albert Pashai, pronar i një hoteli dhe lokali të njohur në zonë, është dhunuar fizikisht në publik. Ai është sulmuar me sende të forta brenda ambienteve të hotelit të tij. Si autor i dyshuar i dhunës identifikohet Agim Taraj. Shkak i konfliktit të tyre janë hapësirat e plazhit, se kush do ta kishte në zotërim.
Policia ndodhet në vendin e ngjarjes dhe ka nisur hetimet për të zbardhur rrethanat e plota të incidentit, ndërkohë që Pashaj është dërguar për ndihmë mjekësore dhe ndodhet jashtë rrezikut për jetën. Agim Taraj pritet të merret në pyetje nga autoritetet. Mendohet se dy biznesmenët janë konfliktuar sërish një muaj më parë.