Tiranë – Një aksident i rëndë rrugor është regjistruar mbrëmjen e kësaj të shtune në zonën e Laprakës, në Tiranë, ku janë përfshirë gjashtë automjete, mes tyre një taksi, një autobus dhe një automjet policie.
Ngjarja ndodhi rreth orës 19:30, në rrugën “Dritan Hoxha”, në vendin e quajtur “Semafori i Laprakës”.
Si pasojë e përplasjes janë lënduar tre persona:
🔹 Drejtuesi dhe pasagjeri i automjetit të Policisë, shtetasit E. Gj. dhe E. J.
🔹 Drejtuesi i taksisë, shtetasi A. M.
Të plagosurit janë transportuar në spital dhe ndodhen jashtë rrezikut për jetën.
Në vendngjarje mbërritën forcat e Policisë Rrugore dhe një grup hetimor që po punon për të sqaruar shkaqet e aksidentit dhe për të dokumentuar përgjegjësitë.