Qukës – Kryeministri Edi Rama ka publikuar pamje nga kantieri i ndërtimit të aksit rrugor Qukës–Qafë Plloçë, duke theksuar rëndësinë strategjike që ky projekt ka për zhvillimin e juglindjes së vendit.
“Kantieret e aksit të plotë Qukës–Qafë Plloçë. Punimet në të tre lotet po ecin me ritme shumë të mira, me objektivin për përfundim brenda fillimit të vjeshtës”, shkruan Rama.
🔹 Me përfundimin e këtij segmenti me gjatësi 43.4 km, koha e udhëtimit në aksin kombëtar Tiranë–Korçë do të shkurtohet me rreth 30 minuta.
🔹 Rruga pritet të japë impulse të reja për zhvillimin ekonomik, turizmin dhe qarkullimin më të shpejtë të mallrave e qytetarëve drejt juglindjes.
Projekti konsiderohet një ndër më të rëndësishmit në infrastrukturën kombëtare dhe një nyje kyçe për lidhjen më efikase të rajonit të Korçës me pjesën tjetër të vendit.
