Zjarr në një pallat 12 katësh në Lushnje pranë shëtitores, detajet e para
Një zjarr ka rënë mbrëmjen e së hënës në një pallat 12-katësh në shëtitoren e palmave, një nga zonat më të populluara të qytetit të Lushnjes. Sipas burimeve paraprake, dyshohet se shkak i zjarrit është bërë një përcjellës elektrik i kondicionerit, i cili ka marrë flakë në rrethana ende të paqarta.
Zjarrfikësit kanë mbërritur menjëherë në vendngjarje dhe kanë arritur të izolojnë flakët brenda pak minutash, duke parandaluar përhapjen e tyre në pjesë të tjera të ndërtesës dhe shmangur çdo rrezik për banorët.
Fatmirësisht nuk raportohet për të lënduar, ndërsa dëmet materiale janë të kufizuara. Grupi hetimor i Policisë së Shtetit ka nisur punën për zbardhjen e shkaqeve të sakta të ngjarjes.
Ndërkohë, specialistët e OSSHE janë në terren për të kryer inspektimet teknike dhe për të rikthyer energjinë elektrike në zonat e prekura. Autoritetet i bëjnë thirrje qytetarëve të respektojnë masat e sigurisë elektrike, veçanërisht në temperaturat e larta të verës, kur rritet përdorimi i pajisjeve ftohëse