Një sulm raketor nga Irani ka goditur Izraelin mëngjesin e sotëm, duke shkaktuar viktima dhe dëme të konsiderueshme. Sipas autoriteteve izraelite, një raketë ra pranë zonës së banuar në Rishon Lezion, në jug të Tel Avivit, duke lënë të vdekur një person dhe duke plagosur mbi 20 të tjerë.
Shërbimet e emergjencës mbërritën menjëherë në vendngjarje, ku konstatuan shkatërrime të shumta dhe njerëz të bllokuar nën rrënoja. Ekipet mjekësore dhe zjarrfikëse po punojnë intensivisht për të shpëtuar të mbijetuarit dhe për të stabilizuar gjendjen e të plagosurve.
Ky është një nga sulmet më të rënda direkte ndaj territorit izraelit në orët e fundit, ndërsa tensionet mes dy vendeve janë përshkallëzuar ndjeshëm pas sulmeve të ndërsjella dhe paralajmërimeve nga fuqitë ndërkombëtare. Situata mbetet e brishtë dhe komuniteti ndërkombëtar po ndjek me shqetësim zhvillimet e fundit në rajon