Nvidia ka arritur një moment historik në botën e biznesit global, duke u ngjitur në vendin e parë si kompania më e vlefshme në planet, me një kapital tregu prej 3.34 trilionë dollarësh, duke lënë pas Microsoft-in dhe Apple-in.
Aksionet e saj u mbyllën në 138.33 dollarë, me një rritje prej 2.61%, duke reflektuar kërkesën në rritje për procesorët e fuqishëm që kompania prodhon, thelbësorë për teknologjitë e inteligjencës artificiale.
Nvidia është kthyer në një nga shtyllat kryesore të revolucionit teknologjik që po udhëheq epokën e AI-së, me klientë si OpenAI, Google dhe Meta, të cilat përdorin produktet e saj për trajnim dhe funksionim të modeleve gjigande të të dhënave.
Vetëm pak muaj më parë, Nvidia hyri për herë të parë në klubin e elitës me vlerë 1 trilion dollarë, ndërsa sot dominon bursat globale. Kjo rritje e jashtëzakonshme tregon qartë se e ardhmja e teknologjisë i përket infrastrukturës që mbështet inteligjencën artificiale, ku Nvidia është udhëheqëse.