Administrata e ish-presidentit Donald Trump ka ndërmarrë një tjetër hap kundër studentëve të huaj: të gjitha ambasadat dhe konsullatat amerikane janë urdhëruar të pezullojnë intervistat për aplikantët që kërkojnë vizë për studime në SHBA.
Lajmi është publikuar nga Politico, e cila citon një dokument zyrtar diplomatik të nënshkruar nga Sekretari i Shtetit, Marco Rubio. Kjo masë prek të gjitha universitetet amerikane dhe konsiderohet si pjesë e një politike të re, më të ashpër, ndaj pranisë së studentëve të huaj.
Vendimi vjen pak ditë pas përpjekjes së Shtëpisë së Bardhë për të ndaluar praninë e studentëve të huaj në Universitetin e Harvardit, urdhër që u bllokua nga një gjykatës.
Sipas Politico, administrata po planifikon edhe masa të tjera, përfshirë kontrollin e rrjeteve sociale të aplikantëve për vizë si pjesë e vlerësimit të profilit.
Ky zhvillim vlerësohet si një kapitull i ri në përplasjen e Trump me botën akademike, që ai e konsideron të mbështetur nga e majta dhe kundër politikave të tij. Një tjetër hap në këtë drejtim është planifikimi për të anuluar kontratat federale me Harvardin, me një vlerë rreth 100 milionë dollarë