Një ngjarje tronditëse ka ndodhur pak para fillimit të ndeshjes Espanyol-Barcelona në Spanjë, kur një automjet është përplasur me një grup tifozësh pranë stadiumit. Incidenti ka shkaktuar plagosjen e të paktën 13 personave, disa prej të cilëve janë transportuar menjëherë në spital për trajtim.
Sipas raportimeve nga vendngjarja, makina lëvizte me shpejtësi të madhe përpara se të hynte në turmën e tifozëve të Espanyol. Pamjet e shpërndara në rrjetet sociale tregojnë momentet e përplasjes, ndërsa dëshmitarë në vendngjarje kanë përshkruar skena paniku dhe ndërhyrje të menjëhershme të forcave të sigurisë dhe ambulancave.
Autoritetet spanjolle kanë konfirmuar se shoferi është arrestuar dhe po hetohet për rrethanat e ngjarjes, për të përcaktuar nëse bëhet fjalë për një akt të qëllimshëm apo aksident. Si pasojë e incidentit, ndeshja mes dy skuadrave është shtyrë për disa minuta.
Hetimet janë në vijim, ndërsa policia ka rritur masat e sigurisë rreth stadiumit për të shmangur çdo incident tjetër të mundshëm.