Presidenti rus Vladimir Putin nuk do të marrë pjesë në bisedimet për paqe në Ukrainë që zhvillohen sot në Stamboll, pavarësisht thirrjes së drejtpërdrejtë të presidentit ukrainas Volodymyr Zelensky për një takim ballë për ballë.
Kremlini ka njoftuar se delegacioni rus do të kryesohet nga ndihmësi presidencial Vladimir Medinsky dhe do të përfshijë përfaqësues të lartë nga Ministria e Mbrojtjes dhe Ministria e Jashtme.
Mosprania e Putinit është pritur me zhgënjim në Kiev. Zelensky ka deklaruar se nuk do të marrë pjesë në tryezën e bisedimeve nëse homologu i tij rus nuk është fizikisht i pranishëm, duke e konsideruar këtë një kusht të panegociueshëm për një dialog të vërtetë.
Bisedimet në Stamboll vijnë në një moment kyç për përpjekjet ndërkombëtare drejt një armëpushimi të qëndrueshëm, por pa praninë e liderëve të dy vendeve, shpresat për progres mbeten të vakëta