Katër kandidatë të Partisë Socialiste, ndonëse morën më shumë vota se rivalët e tyre në listën e hapur, nuk do të ulen në Parlamentin e ri. Arsyeja? Kuota gjinore që favorizon përfaqësimin e grave në Kuvend.
Sipas Kodit Zgjedhor, renditja përfundimtare e fituesve duhet të respektojë përqindjen minimale të përfaqësimit gjinor, edhe nëse kjo përmbys rezultatin e votave direkte.
📍 BERAT
– ❌ Julian Zyla: 4,598 vota
– ✅ Hatixhe Konomi: 3,366 vota
Zyla, analist i njohur, ishte i treti më i votuar në listën e PS, por vendin e tij e zë Konomi, që ka mbi 1,200 vota më pak.
📍 DURRËS
– ❌ Ilir Ndraxhi: 3,681 vota
– ✅ Etleva Budini: 1,773 vota
Ndraxhi humbet mandatin pavarësisht diferencës prej gati 1,900 votash me Budinin.
📍 KORÇË
– ❌ Arian Jaupllari: 5,022 vota
– ✅ Besa Spaho: 5,012 vota
Jaupllari penalizohet për një diferencë minimale prej vetëm 10 votash.
📍 TIRANË
– ❌ Xhemal Qefalia: mbetet jashtë për të njëjtën arsye, edhe pse ishte në listën e hapur të PS-së më 11 maj.
Ky është një nga rastet ku legjislacioni për barazi gjinore bie në kontrast të drejtpërdrejtë me vullnetin e votuesve, duke ndezur debate të reja mbi mënyrën e përfaqësimit në demokraci