Ka përfunduar procesi i numërimit në bashkinë e Vaut të Dejës, ku janë numëruar të gjitha 53 kutitë e votimit. Rezultati përfundimtar ka sjellë një surprizë në panoramën elektorale të qarkut të Shkodrës, pasi as Partia Demokratike dhe as Partia Socialiste nuk janë shpallur forca e parë.
Partia Social-Demokrate ka dalë fituese në këtë bashki, duke grumbulluar 5,951 vota, një rezultat që e vendos atë ndjeshëm përpara Partisë Demokratike, e cila renditet e dyta me 4,698 vota. Partia Socialiste është renditur në vend të tretë, me vetëm 2,482 vota.
Ky rezultat e bën Vaun e Dejës bashkinë e parë ku dominimi tradicional i dy partive kryesore është thyer, duke i dhënë një fitore të pastër një force të tretë, siç është PSD-ja. Rezultati pasqyron një ndryshim të ndjeshëm në orientimin e votuesve dhe konfirmon rritjen e ndikimit të partive të reja ose të mëdha në rritje në zona ku më parë dominonin aktorët kryesorë të politikës shqiptare.
Ky zhvillim pritet të ndikojë edhe në balancat brenda qarkut të Shkodrës, ku gara për mandatet parlamentare mbetet e hapur dhe e ndjeshme ndaj ndryshimeve të tilla lokale