Rama: Sot shqiptarët jetojnë më mirë, pabarazia në të ardhura është ngushtuar
Tiranë, 8 maj 2025 – Kryeministri Edi Rama është përballur me kritika mbi çmimet, pagat dhe mirëqenien ekonomike, duke deklaruar se ekonomia shqiptare ka shënuar një rritje të ndjeshme në dekadën e fundit dhe se qytetarët sot jetojnë më mirë se më parë.
Në një debat mbi rishpërndarjen e pasurisë dhe gjendjen e shtresës së mesme, Rama theksoi se prodhimi i brendshëm bruto i vendit është rritur nga 10 miliardë euro në 25 miliardë euro, ndërsa niveli i papunësisë ka zbritur për herë të parë nën 10%.
I pyetur lidhur me efektin real të rritjes së pagave, Rama u shpreh se krahasimet që thonë se fuqia blerëse është e njëjtë me atë të vitit 2013 nuk qëndrojnë. “Të thuash se sot blejmë njësoj si në 2013 është të mohosh rritjen e ekonomisë. Shqiptarët sot jetojnë më mirë, janë më të dinjitetshëm dhe më të lidhur me Evropën,” tha ai.
Kritikat për mungesën e zhvillimit në bujqësi dhe ndikimin e mundshëm të parasë informale në ekonomi, Rama i cilësoi të pabazuara. Sipas tij, eksportet bujqësore janë rritur ndjeshëm dhe investimet në infrastrukturën e fshatit kanë transformuar sektorin. Ai theksoi se edhe turizmi ka sjellë përfitime të drejtpërdrejta për familjet shqiptare përmes të ardhurave nga akomodimi.
“Ka ende shumë për të përmirësuar,” pranoi kryeministri, “por progresi është i pamohueshëm