Sot, e shtunë, më 3 maj 2025, vendi ynë do të ndikohet nga kushte atmosferike të ndryshueshme, ku paraditja do të dominohet nga kthjellime dhe temperatura të larta, ndërsa pasditja pritet të sjellë një përkeqësim të lehtë të motit në disa zona të Shqipërisë.Sipas Institutit të Gjeoshkencave, gjatë orëve të para të ditës moti do të jetë kryesisht i kthjellët në të gjithë territorin, nën ndikimin e masave ajrore të ngrohta që vijnë nga Anticikloni i Afrikës. Temperaturat do të regjistrojnë vlera të larta për këtë periudhë, duke u luhatur nga 7°C në zonat malore deri në 30°C në ultësirën perëndimore.
Në orët e pasdites, pritet që vranësirat të shtohen gradualisht, veçanërisht në verilindje dhe juglindje të vendit, ku nuk përjashtohet mundësia për reshje të izoluara shiu. Era do të fryjë mesatare në tokë dhe në det, me drejtim veriperëndimor dhe shpejtësi që mund të arrijë deri në 25 km/h.Per qytetet kryesore parashikimi eshte si me poshte
- Tiranë: Deri në 27°C me kthjellime paradite dhe vranësira kalimtare pasdite.
- Shkodër: Temperaturat do të shkojnë deri në 28°C, me diell dhe ndonjë vranësirë të lehtë pasdite.
- Fier: Moti do të jetë i qëndrueshëm me temperatura që arrijnë 27°C.
- Gjirokastër: Temperaturat deri në 29°C dhe një pasdite me vranësira të herëpashershme.
- Korçë: Deri në 24°C, me mot të kthjellët dhe mundësi për reshje të lehta pasdite.
- Kukës: Moti mbetet i ngrohtë, deri në 28°C, me mundësi për vranësira dhe reshje lokale.
Meteorologët këshillojnë qytetarët të përfitojnë nga orët e paradites për aktivitetet në natyrë, ndërsa në pasdite të jenë të përgatitur për një ndryshim të lehtë të kushteve atmosferike, kryesisht në zonat verilindore.
Ky është një mot tipik pranveror që paralajmëron afrimin e stinës së verës, me temperatura të favorshme, por edhe luhatje të papritura që karakterizojnë këtë periudhë.