Fushata elektorale në Shqipëri ka hyrë në një fazë të pazakontë, ku shumë prej partive politike po zhvillojnë takime me dyer të mbyllura, pa praninë e mediave dhe larg syrit të publikut. Në vend të aktiviteteve publike dhe transparente, subjektet politike po justifikojnë këtë qasje duke e paraqitur si “fushatë në familje”.
Takimet zhvillohen në ambiente të mbyllura, me pjesëmarrje të kufizuar, ndërsa komunikimi me publikun përmes mediave thuajse është shmangur plotësisht. Kjo ka ngritur pikëpyetje mbi transparencën e procesit dhe mbi mënyrën se si partitë synojnë të angazhojnë qytetarët në debatin publik për çështje jetike.
Gazetarë dhe analistë kanë kritikuar këtë formë të fushatës, duke e konsideruar si një hap pas për demokracinë dhe për lirinë e informimit. Sipas tyre, takimet “në familje” mund të jenë efikase për kontakte të drejtpërdrejta me individët, por nuk mund të zëvendësojnë transparencën që kërkohet në një proces zgjedhor.
Përballë kësaj situate, qytetarët kërkojnë më shumë qartësi dhe akses në informacion, ndërkohë që mungesa e debatit publik dhe e ballafaqimit të ideve lë vend për pasiguri në lidhje me qëllimet e vërteta të fushatave që po zhvillohen në prapaskenë