Mianmari shpall një javë zie kombëtare, shpresat për gjetjen e të mbijetuarve nga tërmeti zbehen
Qeveria ushtarake e Mianmarit ka shpallur një javë zie kombëtare, duke përfshirë një moment heshtjeje të cilin do ta mbajnë më vonë gjatë ditës të martën, në orën 12:51 lokale, kohën e saktë kur tërmeti goditi vendin të premten.
Më shumë se 2,000 njerëz kanë humbur jetën pas tërmetit me magnitudë 7.7, që ka prekur zonat deri në Tajlandë dhe Kinë. Në Tajlandën fqinje, 20 persona janë konfirmuar të vdekur, ndërsa mijëra të tjerë janë evakuuar nga ndërtesat që janë shkatërruar në Bangkok.
Ekipet e shpëtimit po vazhdojnë kërkimet për të gjetur të mbijetuar, megjithëse shpresat për të gjetur jetimë po zbehen, pasi kanë kaluar më shumë se 72 orë nga tërmeti shkatërrues. Kombet e Bashkuara kanë deklaruar se tërmeti ka shkaktuar “një krizë tashmë të rëndë” në Mianmar, vend i cili është i përfshirë në një luftë civile që ka zgjatur katër vjet. Pavarësisht shkatërrimit, raportohet se udhëheqësit ushtarakë të Mianmarit vazhdojnë të kryejnë sulme ajrore ndaj grupeve rebele pro-demokratike.